Гіт-парад Тузіна Гітоў. Тур 20 (114).

чырвона-банэрная рэкляма:

архіў. гіт-парад. тур # 20 (114)
12—25 чэрвеня 2009

1	Жнюв	Не хвалюйся	mp3 hi	652

2	NatureMorte	Адэлаіда	mp3 hi	484

3	Ляпіс Трубяцкой	Зорачкі	mp3 hi	431

4	Детидетей	Гімн моладзі	mp3 hi	378

5	ESPRIT	Знайдзі мяне	mp3 hi	369

6	Адыс Абэба	Дзеці	mp3 hi	350

7	J:морс	Не здавайся	mp3 hi	348

8	Sciana	Сьлёзы пад дажджом	mp3 hi	344

9	Dа! Бл…	Параноя	mp3 hi	342

10	Crimsonland	Касіў Ясь канюшыну	mp3 hi	322

11	Руся і Такінданг	Гэты час	mp3 hi	315

12	Аляксей Крэчат	Янка Купала	mp3 hi	215

Час «Жнюва»

камэнтар пераможцы

Гурт «Жнюв» зь песьняй «Не хвалюйся» стаў пераможцам апошняга туру ў гэтым музычным сэзоне на «Тузіне Гітоў». Для іх гэтая перамога стала пятай па ліку. За час удзелу ў чарце гурт, які адсутнічаў у музычнай прасторы пяць гадоў, трывала стаў на ногі. Цяпер яны рыхтуюцца да запісу свайго новага альбома, маюць прадставіць сумесную песьню з гуртом Unia, «жнювамі» зацікавіўся і Алег «Jagger» Мінакоў, колішні лідэр рок-каралёў-1995 — Rouble Zone.

Экспэрт ТГ П. Мажэйка: «Абы сьпявалі, колькасьць і таленты абавязкова дадуць якасьць!»

камэнтар экспэрта

Павал Мажэйка нарадзіўся ў 1978 годзе ў Горадні. Скончыў Гарадзенскі дзяржаўны ўнівэрсытэт імя Янкі Купалы, па спэцыяльнасьці гісторыя і культуралёгія. Працаваў у газэце «Пагоня». Пацярпеў за прафэсійную дзейнасьць і быў асуджаны ў 2002 годзе на два гады абмежаваньня волі за «паклёп на прэзыдэнта». Падчас выбараў 2006 году — прэс-сакратар Аляксандра Мілінкевіча. З 2007 году — аўтар і вядоўца праграмы «Госьць Белсата» тэлеканалу «Белсат». Цяпер яшчэ выконвае функцыі ўпаўнаважанага дырэктара па справах вытворчасьці тэлеканалу. Каардынатар сэрыі «Гарадзенская бібліятэка». Адзін з арганізатараў шэрагу канцэртаў і творчых сустрэч музыкаў у межах кампаніі «Будзьма!», якія адбываліся на Гарадзеншчыне, а таксама музычнай акцыі «Музыкі супраць разбурэньня Горадні» (2007).

«Дзеці» ад «Адыс Абэбы»

навічок гэтага туру

Гурт «Адыс Абэба» прадстаўляе ў новым туры на «Тузіне Гітоў» — апошнім у гэтым музычным сэзоне — сваю песьню «Дзеці». Яна была запісаная для новага альбома каманды «Шифроваться», але менавіта зь яе лідэр лідэраў айчыннай рэгі-сцэны Дзіма Іваноў пачынаў сваю музычную кар’еру. Цяпер гурт часьцяком выступае ў Расеі і музыкі кажуць, што іх «Дзеці» ўспрамаюцца тамака на ўра.

«Касіў Ясь» у фанку

навічок гэтага туру

Навічок туру — гомельскі гурт Crimsonland вырашыў узяцца за пераасэнсаваньне пэўна самай зацяганай беларускай песьні — «Касіў Ясь канюшыну». Экспэрымэнт прайшоў удала: у іх інтэрпрэтацыі яна загучала ў фанку з блюзавай устаўкай. «Сам арыгінал у выкананьні „Песьняроў“ ужо гучыць пад фанк, а мы зафанкавалі „Яся“ яшчэ болей», — кажа лідэр гурта Сяргей Пяшко.

«Мальтыйскі рыцар» Аляксей Крэчат

навічок гэтага туру

Сьпявак Аляксей Крэчат дэбютуе на ТГ з сваёй песьняй-візытоўкаю «Янка Купала». Дзякуючы гэтай песьні беларускі выканаўца атрымаў першую прэмію фэсту «Залаты крыж — 2008» і статуэтку «Мальтыйскага рыцара», а таксама другую прэмію фэсту пад назвай «Брильянты России». Выканаўца ідзе наперад, негледзячы ні на што. Праз хваробу ён цалкам страціў зрок, але працягвае актыўна выступаць і рыхтуецца прэзэнтаваць альбом пад назвай «Верь».

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.