Гіт-парад Тузіна Гітоў. Тур 14 (48).

чырвона-банэрная рэкляма:

архіў. гіт-парад. тур # 14 (48)
24 сакавіка - 6 красавіка 2006

1	N.R.M.	Усё роўна мы пераможам!	mp3 hi	850

2	Tav.Mauzer feat. Сьвета Сугака	Беларусь будзе вольнай!	mp3 hi	525

3	UltraВожык	Фабрыка сноў	mp3 hi	324

4	Tav.Mauzer	Брудная вада	mp3 hi	248

5	IQ48	Сьвятло ў цемры	mp3 hi	246

6	Siver	Колер маёй рэвалюцыі	mp3 hi	242

7	Тінь Сонця	Песьня Чугайстра	mp3 hi	237

8	Krok	Рай	mp3 hi	237

9	Imperator	Уздымайце запальніцы!	mp3 hi	236

10	Кася Камоцкая	Шостае падарожжа	mp3 hi	230

11	Сьцяна	Можна быць	mp3 hi	229

12	Iris7	Цішэй-цішэй	mp3 hi	204

48 тур на “Тузіне Гітоў”: рэкорды абнаўляюцца

статыстыка туру

Чатырнаццаты тур трэцяга музычнага сэзону “Тузіна Гітоў” прынёс чарговыя абнаўленьні некаторых рэкордаў. Сьпярша быў пабіты рэкорд сэзону па агульнай колькасьці пададзеных у туры галасоў. У гэты раз іх назьбіралася 3808, што болей, чым у 11-ым туры на 244 галасы. А сярэдняя колькасьць галасоў на суткі ў гэты раз дасягнула ліку 272. Такая высокая актыўнасьць наведнікаў абумовіла і абнаўленьне самага галоўнага дасягеньня на “Тузіне” – колькасьць галасоў пададзеных за асобную песьню ў асобна ўзятым туры. Песьня гурта N.R.M. “Усё роўна мы пераможам” назьбірала 850 галасоў – амаль на 200 болей, чым папярэдні рэкорд.

“Iris7” за трохмоўе й музыку дзеля музыкі

аўтсайдар туру

У чатырнаццатым туры на “Тузіне Гітоў” у аўтсайдэрах засталася песьня “Цішэй-цішэй” групы “Iris7”. Бубнач групы Аляксей Кузняцоў падзяліўся сваімі ўражаньнямі з гэтае нагоды, а заадное й творчымі плянамі на будучыню. “Вельмі прыемна, што мы не вылецелі адразу, што нас пампавалі й галасавалі. Канечне, мы ў асноўным сачылі за рухам уласнай кампазыцыі й назіралі вялікую палітызаванасьць тых песень, якія зараз знаходзяцца ў “Тузіне” на першых прыступках,” – распавёў музыка.

Экспэрт ТГ Ігар Варашкевіч: “Нэарамантыкі зрабілі цяжкамэталёўцаў!”

Ігар Варашкевіч, лідэр гурта "Крама", адзін з тых людзей, якія стаялі ля вытокаў незалежнага беларускага року. Пачаў сьпяваць у гурце "Студыя 7", перейменаваны ў 1986 годзе ў "Бонду" - бадай самы вядомы беларускі рок-гурт таго часу. Па распаду "Бонды" сьпяваў у групе "Рокіс" (1991), якая ў гэтым жа годзе атрымала назву "Крама". У 1995 годзе "Крама" стала ўладальнікам галоўнай "Рок-кароны" на першай цырымоніі "Рок-каранацыя". На апошняй "Рок-каранацыі" "Крама" была прызнаная "Блюз-рок калектывам году". Ігара вельмі цешыць той факт, што ў віртуальнай прасторы ёсьць такая выспа беларускай музыкі, як "Тузін Гітоў".

Лявон Вольскі: “Людзі паверылі ў лепшае”

У 14-м туры на “Тузіне Гітоў” гурт N.R.M. са сваёй новай песьняй “Усё роўна мы пераможам” атрымалі абсалютную перамогу – зь першага дня галасаваньня яны апанавалі верхнюю прыступку і цягам тура адно толькі адрываліся ад сваіх канкурэнтаў. “Усё роўна мы пераможам” атрымалі за тур 850 галасоў – рэкордную колькасьць за ўсю гісторыю галасаваньняў на “Тузіне Гітоў”. Мы патэлефанавалі лідэру N.R.M. Лявону Вольскаму, каб павіншаваць яго зь такой упэўненай перамогай...

N.R.M.: “Усё роўна мы пераможам!”

навічок гэтага туру

У новым туры на “Тузіне Гітоў” легендарны беларускі рок-гурт N.R.M. прэзэнтуе сваю новую песьню - “Усё роўна мы пераможам!”. Лявон Вольскі: “Песьня пісалася, як пратэст супраць імпэрыялістычнага ладу жыцьця й глябалізму”. У сьвеце апошніх падзей, песьня стала гімнам Кастрычніцкага пляцу, які ў гэтыя дні завецца плошчай імя Кастуся Каліноўскага. Музыкі N.R.M. штодзень прыходзяць да ўдзельнікаў акцыі ў падтрымку Аляксандра Мілінкевіча, а ўчора сьпелі “Усё роўна мы пераможам” акапэла. Інтэрнэт-прэзэнтацыя новай песьні – толькі на “Тузіне Гітоў”!

“Тінь Сонця”: “Мы з Вамі!”

навічок гэтага туру

Украінскі гурт “Тінь Сонця” выказвае падтрымку ўсім вольным людзям Беларусі й прэзэнтуе ў новым туры на “Тузіне Гітоў” першую ў гісторыі гурта песьню на беларускай мове. Пасьля ўдзелу ў трыб’юце “Gods Tower”, адмыслова для якога “Тінь Сонця” запісалі “Пісню Чугайстра”, украінцы вырашылі працягваць супрацу з беларусамі. “Нам вельмі прыемна ўдзельнічаць у беларускім гіт-парадзе”, - кажа лідэр групы Сяргей Васілюк. Упершыню ў гісторыі “Тузіна Гітоў” удзел у гіт-парадзе бярэ ўкраінская каманда. Вітаем суседзяў!

Imperator: “Уздымайце запальніцы!”

навічок гэтага туру

У новым туры на “Тузіне Гітоў” дэбютуе гіп-гопавы праект “Imperator” з надта насутнай сёньня песьняй “Уздымайце запальніцы”. Удзельнікі гурту Realize i Zeman кажуць, што яны запаленыя ідэяй узьняць беларускі рэп, ці “гіп-гап”, як яны называюць кірунак на сваім слэнгу. “Мы iмкемся зрабiць свае трэкi рэп-iдэялёгiяй, якой будуць кiравацца ў будучынi. Як ONYX альбо Wu-Tang Clan у ЗША цi NTM у Францыi”, - кажуць музыкі. Вітаем сьвежыя павевы беларускага гіп-гопу на “Тузіне Гітоў”!

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.