Гіт-парад Тузіна Гітоў. Тур 15 (49).

чырвона-банэрная рэкляма:

архіў. гіт-парад. тур # 15 (49)
7 - 20 красавіка 2006

1	N.R.M.	Усё роўна мы пераможам!	mp3 hi	908

2	Tav.Mauzer feat. Сьвета Сугака	Беларусь будзе вольнай!	mp3 hi	532

3	Indiga + Варашкевіч	Заенька	mp3 hi	443

4	UltraВожык	Фабрыка сноў	mp3 hi	418

5	IQ48	Сьвятло ў цемры	mp3 hi	312

6	Тінь Сонця	Песьня Чугайстра	mp3 hi	303

7	Siver	Колер маёй рэвалюцыі	mp3 hi	297

8	Tav.Mauzer	Брудная вада	mp3 hi	291

9	Krok	Рай	mp3 hi	257

10	Imperator	Уздымайце запальніцы!	mp3 hi	254

11	Несьцярэнка і White Night Blues	Знаю столькі пяшчотаў	mp3 hi	161

12	Росы	Сабакі	mp3 hi	144

15 тур: новыя вяршыні N.R.M.

статыстыка туру

У другім запар туры перамогу атрымала песьня “Ўсё роўна мы пераможам!” гурта N.R.M. Пры гэтым разам зь перамогай былі абноўленыя некаторыя рэкорды і дасягненьні, у тым ліку і галоўны рэкорд “Тузіна Гітоў” па колькасьці здабытых галасоў песьняй за адзін тур. А разам з асабістымі рэкордамі песьня дапамагае ўсталёўваць і новыя вяршыні непасрэдна гіт-параду. Пра гэтыя і іншыя вынікі 15 туру гэтага сэзону ў нашай традыцыйнай статыстычнай рубрыцы.

Экспэрт ТГ Вітаўт Мартыненка: “Не бывае адкрыцьцяў бяз стратаў”

камэнтар экспэрта

Вітаўт з маладосьці быў першым у многіх галінах інтэлектуальнага жыцьця. Ён быў першым, хто стварыў у камсамольскай "Чырвонай Зьмене" бачыну, прысьвечаную беларускаму року, зладзіў першы нацыянальны гіт-парад на хвалях "Радыё Свабода", першым трымаў чын палітычнага галадаваньня на пляцы Незалежнасьці, падпольна вывез на Захад рукапіс кнігі "Праз рок-прызму", напісанай разам з А.Мяльгуем і выдадзенай у Нью-Ёрку, даў беларусам самы поўны тэкст рамана Генрыка Сянкевіча "Quo Vadis…". З "Тузінам Гітоў" у Вітаўта даўнія непаразуменьні: яго душа не прымае такую (па ягоных словах) хібу знанага інтэрнэт-партала, як ўсяяднасьць, калі на яго старонках слова даецца самым зацятым беларусаедам, а аргумэнты ў адказ цэнзурыруюцца. Аднак, ён згадзіўся адкамэнтаваць тур ТГ, бо глыбока паважае працу "тузінаўцаў", якую яны вядуць на карысьць беларускай культуры ў такіх драматычных для роднай мовы варунках.

Элегантная перамога N.R.M.

камэнтар пераможцы

Чарговы рэкорд паставіла ў “Тузіне Гітоў” новая песьня N.R.M. “Усё роўна мы пераможам!”. Пераможцы 15-га тура гіт-параду набралі 908 галасоў. Лідэр гурта Лявон Вольскі кажа, што зь цікавасьцю сочыць за чартам на “Тузіне Гітоў”. “Я бы назваў нашую перамогу элегантнай, - жартуе музыка. – І мне сапраўды вельмі прыемна, што нашу песьню так горача падтрымліваюць”. Лявон, у сваю чаргу, таксама не сядзеў дома, склаўшы рукі – нядаўна ён разам са сваёй жонкай Ганнай сустракаў ля прыёмніку на Акрэсьціна маладых людзей, якія адбывалі там пакараньне за ўдзел у сакавіцкіх падзеях...

Блюз, якім ён павінен быць

навічок гэтага туру

Некаторыя музыкі кажуць, што блюз прыемна граць, але напружна слухаць. Гэта дакладна не датычыцца песьні-дэбютанта 15-га тура на “Тузіне Гітоў” – “Знаю столькі пяшчотаў” у выкананьні Юрыя Несьцярэнкі і “White Night Blues” – прэтэндэнтаў на “Блюз-рок гурт году” на апошняй “Рок-каранацыі”, каманды зь Бялынічаў, што ў Магілёўскай вобласьці. “Палітыка русыфікацыі асабліва заўважна ў правінцыі, гэты блюз – адказ на яе, хоць сама песьня пра пачуцьці да жанчыны”, - апавядае блюзмэн Юры Несьцярэнка. Яго колішняя песьня, зробленая сумесна з “Крамай” была адным зь лідэраў нашага гіт-параду ў мінулым музычным сэзоне...

“Заенька”: мары зьдзяйсьняюцца!

навічок гэтага туру

У 15-м туры на “Тузіне Гітоў” гурт “Indiga” прэзэнтуе загалоўную песьню са свайго самотніка “Заенька”, які выйшаў днямі. У “Заеньцы” рок-князёўна-2005 Руся сьпела з рок-каралём-1994 Ігарам Варашкевічам. “Гэту песьню я асабліва шаную, бо ўсё марыла сьпець разам з Ігарам, і нарэшце мара рэалізавалася!”, - кажа Руся. Лідэр “Крамы” таксама спраўдзіў свае чаканьні: “А я ўсё марыў пра зьяўленьне на беларускай сцэне годнай каманды з прыгожай дзяўчынай на вакале. Калі пачуў “Indiga” – зразумеў, што гэта яна”.
Руся ды Ігар плянуюць працягнуць супрацоўніцтва ды запісаць альбом у дуэце...

“Росы”: свабодалюбівы рок з Налібоцкай пушчы

навічок гэтага туру

Усе ўдзельнікі гурта “Росы” паходзяць з Налібоцкай пушчы, тым і тлумачаць свабодалюбівы характар гурту. Кажуць, што гэтае пачуцьцё трывала замавацаванае ў жыхарах тых мясьцінаў. Гурт “Росы” дэбютуе ў новым туры на “Тузіне Гітоў” зь песьняй “Сабакі”. Аўтары песьні Віталь Чарняўскі і Ягор Касьцюкоў: “Слухачы могуць сказаць, што наша творчасьць надта падобная да твораў групы “Бонда” ды яе пасьлядоўнікаў – “Крамы”. Па духу так насамрэч і ёсьць, але музычныя ўпадабаньні гурта вельмі рознабаковыя”.

Назад да гіт-параду

угару - up

галоўная
музычныя навіны
гіт-парад
mp3
рэцэнзіі
заля славы
афіша
гасьцёўня
навіны сайту
рэдакцыя
спасылкі

. ТГ на Радыё
. ТГ на CD
. Basowiszcza
. Рок-кола
. Рок-каранацыя
. Песьні Свабоды
. ND ТрыBute
. Андэграўнд 60-70-х

Пры выкарыстаньні тэкстаў абавязковая спасылка на
"Тузін Гітоў" http://music.fromby.net.

Выкарыстаньне файлаў магчымае толькі з папярэдняга дазволу рэдакцыі.