 |  |
чырвона-банэрная рэкляма:
"Siver" уздымае свой "Сьцяг"
Песьня маладой менскай каманды "Рэчы хатнія" з удзелам лідэра
групы "Нэйра дзюбель" А.Кульлінковіча - навічок на "Тузіне Гітоў". Я.Шапчыц: "Лічу гэтую песьню самай удалай са "Сьцягу брыгады",
але яна не сфармуе ўяўленьне пра цэлы альбом, бо ён надта разнаплянавы ў нас атрымаўся". Менская група "Siver" зь лёгкасьцю бы перамагла ва ўяўнай намінацыі "Лепшы рок-дэбют-2005", калі б не адна акалічнасьць... Калі іх першы дыск "Сьцяг брыгады" быў цалкам запісаны й зьведзены, плянаваўся рэліз і канцэрты, лідэр-вакаліст групы Антон Казураў зьехаў за мяжу, у сувязі з чым творчае існаваньне групы прыпынілася.
Тэхнічны дырэктар і басіст "Siver'а" Яўген Шапчыц кажа, што для іх ад'езд лідэра апынуўся поўнай неспадзеўкай. Але ўдзельнікі групы вырашылі дапрацаваць альбом і запрасілі лідэра групы "Нэйра дзюбель" Аляксандра Кульлінковіча агучыць г.зв. літаратурна-драматычную частку праграмы.
"Да супрацы з групай "Siver" Куляшоў для мяне быў ня болей, чым прозьвішча з кнігі па беларускай літаратуры. Але, калі я ўнікнуў у ягоныя творы, выявілася, што Куляшоў - мудрагеліста-брутальны паэт. Часам ягоныя вершы проста "даха_зрываючыя", - кажа Кульлінковіч. Пачатак працы над "Сьцягам..." супаў у Кульлінковіча з заканчэньнем працы над альбомам "дзюбелей" - "Танкі" і наклаў пэўны адбітак на яго (паслухайце песьні "Камсамольскі білет" і "Жыцьцё").
"Сьцяг брыгады" зроблены па матывам аднайменнай паэмы Аркадзя Куляшова і ўяўляе з сябе канцэптуальную рок-опэру. Пра далейшыя перспектывы існаваньня каманды Яўген Шапчыц кажа: "Антон Казураў абяцаў вярнуцца на Радзіму, праўда, ня кажа, калі менавіта. Тады і распачнем усё. Галоўнае, што не з чыстага аркушу, бо маем ужо дыск".
У новым туры на "Тузіне гітоў" група "Siver" сумесна з Аляксандрам Кульлінковічам прэзэнтуюць песьню "Рэчы хатнія". "Лічу гэтую песьню самай удалай са "Сьцягу...", - кажа Я.Шапчыц, - але яна не сфармуе ўяўленьне пра цэлы альбом, бо ён надта разнаплянавы ў нас атрымаўся".
Siver & Кульлінковіч - Рэчы хатнія (музыка: А.Казураў, словы: А.Куляшоў)
Разьмяшчаецца са згоды групы.
SB
photo - Wiecier Mechaniczny
03.11.2005.
рэкляма. чырвоная й банэрная:
угару - up
мы рэклямуем:
мы рэклямуем:
|
© Менск 2003-2006 Тузін Гітоў 
Пры выкарыстаньні тэкстаў абавязковая спасылка на "Тузін гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|
