 |  |
чырвона-банэрная рэкляма:
Рок-Каранацыя 2007
Каранацыя, якая нікому не патрэбная
| 01.03.2008 | Нам была патрэбная гэтая цырымонія, бо яна колісь вызначала рок-герояў і ўплывала на музычныя густы. Гэта было даўно і наўрад ці цяпер можна лічыць дадзенае сьцьвярджэньнем праўдзівым і лягічным. Каранацыі не было два гады, яе пахавалі і можна сказаць, што на яе забыліся. Але ТГ спрычыніўся да яе адраджэньня. Тады, тры гады таму, ўсё выглядала на цыклічнасьць – заміж крызысу, як правіла, надыходзіць уздым. Усё было ў нашых руках і выслоўе пра тое, што запаленыя зоркі камусьці патрэбныя нас заахвочвала. Першая адроджаная Каранацыя была прысьвечана няменскім музыкантам, каб падкрэсьліць тую простую думку, што музычнае жыцьцё віруе ня толькі ў Менску, але і ў Магілёве, Берасьці ды іншых беларускіх гарадах. Другая Наша Каранацыя была скіраваная на тое, каб паказаць усё багацьце айчыннай музычнай культуры, тым і тлумачылася падзяленьне намінацыяў паводле жанравых прызнакаў, увядзеньне ў кантэкст музыкантаў, якія дагэтуль трымаліся асобна. Што да трэцяй Нашай Каранацыі, то яе пасланьне было цалкам лягічным – толькі лепшыя. Урэшце разам і на адной сцэне. Цыкль завершаны.
Вызначаны героі «Рок-Каранацыі-2007»
| 01.03.2008 | Сёньня позна ўвечары ў КЗ «Мінск» скончылася 12-ая па ліку цырымонія ўзнагароджаньня лепшых беларускіх рок-музыкаў – «Рок-Каранацыя-2007». Галоўную рок-карону (намінацыя «лепшы гурт году») з рук пісьменьніка Ўладзімера Арлова атрымаў гурт Neuro Dubel.
Кася Камоцкая: «Рок-імітацыя»
| 29.02.2008 | Мне ніколі не тэлефанавала столькі людзей, як падчас мінулай «Рок-каранацыі». «Кася, чаму ты ня тут? Мы вось сядзім у барчыку, каньячок п'ем…» — «А я сяджу дома і таксама каньячок п'ю!» — «Нам сумна безь цябе!» — «Дык чаго вы туды прыперліся?!»
А-ONE: ад RAMP да «Рок-Каранацыі»
| 27.02.2008 | Расейскі тэлеканал А-ONE ўручыць свой прыз аднаму зь беларускіх музыкаў на цырымоніі «Рок-Каранацыя-2007» і пакажа відэавэрсію цырымоніі. Якраз у лютым у Менску адкрылася прадстаўніцтва гэтага каналу. Генэральны дырэктар А-ONE ў Беларусі Алег Скарабагаты кажа: «Мы не маглі не зацікавіцца такім мерапрыемствам, як „Рок-Каранацыя“, бо гэта музыка – аснова нашага музычнага вяшчаньня». Як паведаміў яго намесьнік Сяргей Курыловіч, яны вырашылі ўзнагародзіць адзін зь беларускіх гуртоў адмысловым прызом – абранаму выканаўцу будзе ўручаны адпаведны сэртыфікат, які гарантуе прасоўваньне і шчыльную ратацыю яго відэа на тэлеканале А-ONE.
Вызначыліся прэтэндэнты на галоўную Рок-Карону
| 26.02.2008 | У выніку галасаваньня шаснаццаці сяброў журы абсалютную большасьць галасоў набралі гурты Neuro Dubel і «Ляпіс Трубяцкой». Абедзьве каманды ўжо атрымлівалі галоўную айчынную рок-узнагароду - гурт Аляксандра Кульлінковіча быў узнагароджаны ў 1998 годзе, а каманда Сяргея Міхалка – на два гады раней. Імя Рок-Караля 2007 году будзе названае 29 лютага падчас урачыстай цырымоніі «Рок-Каранацыя» ў канцэртнай залі «Мінск». А. Кульлінковіч: «Ляпіс – выдатная каманда, але ці гралі яны летась у Беларусі?»
«Выканаўцу году» абяруць наведнікі ТГ
| 18.02.2008 | Апоўначы 19 лютага на «Тузіне Гітоў» распачынаецца афіцыйнае галасаваньне ў намінацыі «Выканаўца году». Па традыцыі ў журы гэтай намінацыі будуць усе наведнікі нашага парталу – кожны можа аддаць свой голас за аднаго з прэтэндэнтаў адзін раз на дзень. 24 лютага апоўначы галасаваньне спыняецца, а ягоны пераможца будзе названы непасрэдна на самой цырымоніі ўзнагароджаньня 29 лютага ў КЗ «Мінск». У сьпіс намінантаў трапілі восем самых яскравых асобаў беларускага року.
Рыцараў ня будзе, будуць рокеры
| 18.02.2008 | Вядомы тэатральны рэжысэр Вітаўтас Грыгалюнас ад самай першай цырымоніі «Рок-Каранацыя», што прайшла ў Альтэрнатыўным тэатры ў 1995 годзе, зьяўляецца яе галоўным рэжысэрам-пастаноўшчыкам. Сёлета Вітаўтас хацеў паставіць «Каранацыю» з выкарыстаньнем рыцарскіх традыцыяў. Але на ажыцьцяўленьне задумы не хапіла грошай, спонсара ў сёлетняй цырымоніі так і не знайшлося. «Але галоўная падзея цырымоніі – склад яе ўдзельнікаў», - зазначае рэжысэр «Каранацыі».
Сьпіс выступоўцаў
| 02.02.2008 | Лідэр гуртоў N.R.M. і «Крамбамбуля» Лявон Вольскі: «Летась з розных прычынаў у цырымоніі не ўзялі ўдзел вядучыя беларускія рок-каманды, таму яна не зусім адлюстравала стан айчыннай музыкі. Таму лічу, што сёлета варта пагаджацца на ўдзел у „Каранацыі“, бо гэта – глыток вольнага паветра». Такім чынам 29 лютага ў вялікім канцэрце «Рок-Каранацыя-2007» ужывую выступяць 11 гуртоў.
Журы «Рок-Каранацыі-2007»
| 29.01.2008 | Упершыню ў гісторыі цырымоніі экспэртная рада «Рок-Каранацыі» будзе міжнароднай. Галоўных беларускіх рок-герояў назавуць прадусары, дырэктары буйнейшых фэстываляў, прадстаўнікі радыёстанцыяў і тэлеканалаў, журналісты і музычныя крытыкі. Усяго ў журы сёлета 16 чалавек, яны і вызначаць уладальнікаў рок-каронаў у сямі асноўных намінацыях, а таксама назавуць уладальніка галоўнай Рок-Кароны – лепшы гурт 2007 году.
Зьміцер Падбярэзскі: Мэтады і мэтодыка Рок-Каранацыі
| 25.01.2008 | Колькі існуе цырымонія «Рок-Каранацыя», столькі і спрэчак вакол яе. Дакладней, адносна прынцыпаў адбору кандыдатаў на перамогу ў тых ці іншых намінацыях. Асабліва абвастрылася сытуацыя пасьля адраджэньня цырымоніі пару гадоў таму. Дайшло да таго, што некаторыя сталыя ўдзельнікі журы сёлета адмовіліся вызначаць лепшых. Паспрабую прааналізаваць, чаму гэтак здарылася.
Шорт-ліст «Рок-Каранацыі-2007»
| 24.01.2008 | Згода на правядзеньне цырымоніі «Рок-Каранацыя» ад чыноўнікаў атрыманая. У гэты ж дзень аргкамітэт РК абвесьціў сьпіс прэтэндэнтаў у кожнай намінацыі. Такім чынам, на сёлетняй цырымоніі, якая адбудзецца 29 лютага ў КЗ «Мінск», будуць вызначаныя пераможцы ў васьмі асноўных намінацыях, а таксама будзе ўганараваны ўладальнік галоўнай Рок-Кароны – лепшы гурт Беларусі ў 2007 годзе. «Выканаўцу году» ўжо па традыцыі вызначаць не сябры журы, а наведнікі «Тузіна Гітоў».
«Рок-Каранацыя-2007» будзе!
| 10.01.2008 | 2007 год падараваў нямала яркіх музычных рэлізаў і адкрыцьцяў. Цягам году па ўсёй краіне выйшла ля шасьці дзясяткаў альбомаў рок-выканаўцаў – для нашай культурнай прасторы гэта нямала. Падсумаваць усё і ўзнагародзіць лепшых – такая задача ў штогадовай цырымоніі «Рок-Каранацыя», якую ладзяць прадусар Юры Цыбін ды інтэрнэт-партал «Тузін Гітоў». Сёлета яна пройдзе 29 лютага ў канцэртнай залі «Мінск» ужо ў 12-ты раз.
Рок-каранацыя 2006 (у архіве)
Рок-каранацыя 2005 (у архіве)
|
|
|
© Менск 2003-2008 Тузін Гітоў 
Пры выкарыстаньні тэкстаў абавязковая спасылка на "Тузін Гітоў" http://music.fromby.net. Выкарыстаньне файлаў магчымае толькі з папярэдняга дазволу рэдакцыі. 
|