http://music.fromby.net/Тузін Гітоў - слушны музычны партал. Слухай, чытай, галасуй!Copyright 2003-2007, Тузін ГітоўbeSat, 10 May 2008 15:23:55 +0000http://blogs.law.harvard.edu/tech/rsshttp://music.fromby.net/article/1220/Sat, 10 May 2008 15:23:55 +0000newsНа першым за чатыры гады сольным канцэрце гурта “Ляпіс Трубяцкой” у Менску ўрэшце быў прэзэнтаваны “Капітал” й некалькі новых кампазыцыяў з амаль гатовага ўжо новага альбому – у тым ліку “Папсовы жлоб”, “Маніфэст” і новая беларускамоўная песьня “Зорачкі”. Гурт, хоць і рэдка апошнім часам канцэртуе ўдома, але шторазу набывае беларускасьці. Павал Булатнікаў: “Прывітаньне, Радзіма!”. Сяргей Міхалок: “Жыве Беларусь!”. http://music.fromby.net/article/1219/Sat, 10 May 2008 08:00:34 +0000newsУ «застойны» час зь сярэдзіны да канца 1970-ых надзвычай запатрабаваным кірункам робіцца джаз-рок. Яго прадстаўнікі на Беларусі – «Мінск», «Эльфы», «Вернасьць» (Віцебск). Іншыя аб’екты пашаны таго часу з андэрграўнднае сцэны - ансамбаль Валерыя Таржэцкага, гурт In Rock, «Унівэрсытэт»… Слухайце на ТГ восьмы выпуск аўдыё-вэрсіі музычна-дасьледчай праграмы «Новая зямля».http://music.fromby.net/article/1218/Thu, 08 May 2008 13:03:34 +0000newsВыйшаў у сьвет дэбютны альбом менскага мадэрн-фольк гурта Unia. Плытка атрымала назву «Dolam». Менавіта яе прэзэнтацыя адбудзецца 16-га траўня ў менскім DA-club. Мерапрыемства абяцае быць вясёлым і багатым на шматлікія падарункі, сюрпрызы і нечаканыя дуэты. Падтрымаць і павіншаваць малады, але ўжо даволі вядомы гурт Unia прыйдуць сталыя беларускія калектывы і іх пачынаючыя, але пэрспэктыўныя калегі. Спэцыяльны госьць мерапрыемства – Алег Хаменка.http://music.fromby.net/article/1217/Wed, 07 May 2008 12:43:37 +0000news9 траўня «Ляпіс Трубяцкой» дае сольны канцэрт у менскім Палацы спорту – першы ад часоў альбома «Залатыя яйцы». Апошнім разам беларускі гурт, які ў асноўным працуе ў Расеі ды Ўкраіне, цешыў менскую публіку сваім выступам у 2005 годзе – у сумесным канцэрце ў тым жа Палацы спорту з «Воплямі Відаплясава» ды Zdob si Zdub. А сольны канцэрт у Менску дык наогул быў ажно ў траўні 2004 году. Сяргей Міхалок тлумачыць гэта так: «Выступаць у Менску – найвялікшая адказнасьць. Менавіта таму мы дамо тут канцэрт менавіта цяпер, бо якраз знаходзімся ў найвышэйшай ступені гатоўнасьці». Між тым, «Ляпісы» абяцаяюць ня толькі прэзэнтаваць урэшце праграму «Капітал», але і паказаць сёе-тое з новага альбома.http://music.fromby.net/article/1216/Mon, 05 May 2008 14:58:40 +0000news26 траўня ў летнім амфітэатры Віцеску адбудзецца сумесны канцэрт вядучых айчынных фольк-камандаў – гуртоў «Палац», OSIMIRA і этна-трыё «Троіца». З гэтага маштабнага канцэрту і пачынаецца акцыя «World Music Tree», якую ладзіць цэнтар культуры «Віцебск» пры падтрымцы «Тузіна Гітоў» і тэлеканалу A-ONE. Прадусар праекту Алег Ціханаў: «Такой значнай падзеі ў нашай культурнай прасторы ўжо даўно не было». У плянах арганізатараў прывезьці ў Беларусі лепшых музыкаў з усяго сьвету, што працуюць у рэчышчы этнічнай музыкі.http://music.fromby.net/article/1215/Mon, 05 May 2008 08:28:02 +0000newsУ 16-м туры на ТГ бярозаўскі гурт :B:N: зь песьняй «Загінулым паэтам прысьвячаецца» атрымаў пераканаўчую перамогу, назьбіраўшы за два тыдні галасаваньня 826 галасоў. Лідэр гурта Алесь Лютыч гэтаму факту радуецца, але не зьдзіўляецца: «Калі мы стварылі гэтую кампазыцыю, то якраз і разьлічвалі на доўгатрывалі посьпех у гіт-парадзе. Паколькі гэта ўжо другая наша перамога, то магу яе назваць дзяжурнай».http://music.fromby.net/article/1214/Sat, 03 May 2008 12:27:56 +0000newsНа «Тузіне Гітоў» выкладаецца сёмы выпуск аўдыё-вэрсіі музычна-дасьледчай праграмы «Новая зямля». Тэмаю чароднай перадачы Віктара Сямашкі на Радыё Unistar стала «хіпоўская» сыстэма 70-х. Хіпі праводзяць лясныя фэсты, ствараюць летнікі ля Нарачы й Аўгустоўскага каналу. Таксама праходзяць дзьве пратэстныя дэманстрацыі хіпі ў Горадні. А тым часам у Менску выходзяць на першы плян прадстаўнікі 2-ой рок-генэрацыі… Слухайце праграму ў mp3-файлах.http://music.fromby.net/article/1213/Fri, 02 May 2008 14:37:04 +0000newsЭкспэрт ТГ нарадзіўся 29 верасьня 1958 году ў мястэчку Койданава (Дзяржынск), што на Меншчыне. У 1983 годзе скончыў Акадэмію мастацтваў. Працаваў рэстаўратарам, афармляльнікам, журналістам, цяпер мае ўласнае выдавецтва «Сучасны літаратар», дзе займае пасаду галоўнага мастака. Глёбус аўтар некалькіх дзясяткаў кніг. У музычным сьвеце ён вядомы тэкстамі, якія выконвалі Лявон Барткевіч, Піт Паўлаў, Ігар Варашкевіч і гурты «Новае Неба», «ДоМіНо», «Сябры». Ягоныя эсэ пра рок-рух друкаваліся на старонках часопісу «Крыніца». Шырокую вядомасьць Адаму Глёбусу прынёс удзел у газэтных праектах «Ласкавы май» і «Віктар Цой». Праца Глёбуса са Зьмітром Вайцюшкевічам над музычна-паэтычнай кампазыцыяй «Месяц і сонца» выйшла на СD ў 2005 годзе. Экспэрт ТГ кажа: «Сам я шмат разоў ствараў гіты ў самых розных жанрах мастацтва і літаратуры; натуральна, мяне цікавяць і чужыя пасьпяховыя праекты…»http://music.fromby.net/article/1212/Fri, 02 May 2008 08:38:54 +0000newsГурт «Кемлівае сонца» прадстаўляе ў новым туры на ТГ свой аднайменны твор. Яны кажуць, што зь цягам часу настрой іх музыкі зьмяняецца, знаходзяцца і новыя тлумачэньні іх творчасьці. Але агулам яны так акрэсьліваюць свой сьвет: «Гэта дробязі ўражаньняў і канвэер пытаньняў пра жыцьцё». Зь іх словаў твор «Кемлівае сонца» мае форму «галоўнага і нявыказанага». «Толькі форма, зьнешняе аблічча можа разглядацца, як варыянт для пачатку знаёмства», - цьвердзяць удзельнікі праекту «Кемлівае сонца».http://music.fromby.net/article/1211/Wed, 30 Apr 2008 12:35:01 +0000news«Троіца» прэзэнтавала свой чацьверты дыск «Сон-трава», які выходзіць асобна ў Беларусі і ў Польшчы з дыстрыбуцыяй у некалькіх эўрапейскіх краінах. Лідэр гурта Іван Кірчук з нагоды выхаду дыску падзяліўся сваімі думкамі што да становішча ў беларускай фольк-музыцы: «Музычных адукацыйных установаў у нас хапае, але пры тым няма этнічнай радыёстанцыі, не праводзяцца этнічныя фэстывалі і для музыкаў няма магчымасьці для самавыяўленьня. Крыху крыўдна за Радзіму…»